Leroy Sané pas dëmtimit brutal që pësoi në ndeshjen e kupës përballë Cardiff, do të qëndrojë jashtë fushave për rreth 3 muaj. Ai ka dëmtuar ligamentet e kyçit të majtë dhe do ti duhet një kohë e gjatë që të rikthehet në formën që ishte. Tashmë Pep Guardiolës do ti duhet të improvizojë një ndryshim në formacion për të mbushur boshllëkun e krijuar në të majtë, ku Sane ishte titullar i padiskutueshëm.
Duke parë që do të jetë një mungesë e gjatë dhe Manchester City lufton për të triumfuar në disa gara, drejtuesit janë duke u përpjekur për të bërë një goditje në orët e fundit të merkatos. Ata kanë kërkuar informacione për lojtarin e Leicesterit, algjerianin Riyad Mahrez dhe kanë bërë gati një ofertë prej 60 milionë sterlinash. Një operacion që në pamje të parë duket mjaft i vështirë, pasi dhelprat do të rezistojnë për ta mbajtur në ekip yllin egjiptian deri në fund të sezonit.
“The Sun” ka mësuar se City kishte në plan që të bënte një sulm të mirëfilltë për algjerianin në verë,por dëmtimi i Sane i ka përshpejtuar gjërat, po ashtu në vëzhgim po mbahet edhe situata e Eden Hazard të Chelsea. Për këtë të fundit duket e pamundur pasi, “Blutë e Londrës” nuk do të dëshironin që një lojtarë të tillë ta dërgonin tek rivalët direkt dhe piste Real Madrid për Hazard duket më e mundshme. Në rast përgjigje negative nga dy të parët City do të hidhet në sulm për sulmuesin e Shaktar, Fred. Një objektiv tjetër i vështirë, por në rast të një sforcoj ekonomike mund të arrihet të mbyllet brenda të mërkurës.
