Nga qyteti i Korçës, kreu i PD-së, Lulzim Basha, ka dhënë vlerësimin mbi situatën që po ndodh sot mes Ramës e Metës, për postin e Ministrit të Brendshëm. Ai e ka cilësuar si një lëvizje “të ashpër”, dhe se sipas tij, “rënia e ministrit të tretë të propozuar nga Rama, është dëshmi e krizës së thellë politike dhe morale”.
Kryedemokrati u shpreh se “Presidenti ka kompetencat e tij kushtetuese, dhe jam i sigurt që ai do të japë te gjitha aspektin kushtetues për dekretimin apo mos dekretimin e ministrit të Brendshëm të propozuar nga Edi Rama”.
“Një gjë është e sigurt. Që lëvizja e ashpër, në atë që nuk është lojë shahu, është dhe do te jete vetë largimi i kryeministrit Rama. Rënia e ministrit të tretë të propozuar nga Rama është dëshmi e krizës së thellë politike dhe morale.
“Vendi është pa kryeministër, pa gjykatës, pa Prokurori. Përgjegjësia për këtë është se vendi është një organizatë kriminale, dhe përgjegjësia ngelet mbi Ramën”, përfundoi ai.
https://tiranatoday.com/festime-me-shampanje-pas-vendimit-te-metes-per-sander-lleshin-shperthejne-mesazhet-e-urimit/
