Serie A ditën e premte rezervon një superndeshje e cila do të zhvillohet në “San Paolo”, ku Napoli do të presë kampionët në fuqi Juventusin. Një ndeshje që ka ngjallur mjaft interes në qytetin e Napolit, pasi ditën e sotme janë duke u shitur biletat e fundit. Pritet që të ketë një rekord spektatorësh për këtë sezon, pasi deri tani mbaheshe nga ndeshja me Sassuolon me 53 609 spektatorë, por mund të vendoset rekord edhe sa u përket arkëtimeve. Shuma më e madhe që ka përfituar Napoli në këtë sezon është 2.375.133 euro në ndeshjen me Manchester City-n në Champions, ku zyrtarisht u shitën 44.483 bileta.
Vlen të theksohet se mbështetësit e Juventusit nuk do të jenë të pranishëm në stadium në këtë sfidë, pasi nuk janë lejuar të udhëtojnë drejt Napolit për arsye sigurie. Ndeshja në fjalë do të vendosë shumë sa i përket rrjedhës që do të marrë kampionati por nuk do jetë vendimtare, pasi Napoli është një ndër pretendentët kryesorë për të fituar këtë vit Serie A, ndërsa Juventus është kampioni aktual.