Ish-trajneri i Kilit që aktualisht ka drejtimin e Argjentinës dhe ka siguruar kualifikimin për në Kupën e Botës, ka dhënë disa arsye se përse Kili nuk arriti të kualifikohet. Tek kombëtarja kiliane ka shumë probleme me alkoolin dhe gishtin ia ka drejtuar mesfushorit të Bayernit, Arturo Vidal. Vidal ka probleme të theksuara me alkoolin dhe i duhet ndihma e një profesionisti, por nuk është vetëm ai me këtë problem ka theksuar Sampaoli.
“Ka qenë një rast teksa po udhëtonin me avion dhe Vidal më kërkoi leje që pinte nje birrë, por më pas zbulova që ishte Whisky. Ai ka probleme të theksuara me alkoolin dhe nuk arrin dot të kontrollojë veten. Duhet të vizitohet tek ndonjë specialist. Kur vesh fanellën e Kombëtares duhet të sillesh si profesionist, ndërkohë tek Kili disi prej futbollistëve e kishin mendjen për të festuar nëpër lokale sesa tek Kombëtarja. Disa prej tyre vinin në gjëndje aq shumë të dehur sa e kishin të pamundur të bënin stërvitje.”
Sampaoli nuk kritikon vetëm Vidal për sjellje të gabuar, gjithashtu ai përmënd dhe sulmuesin Pinilla i tërhequr nga Kombëtarja e Kilit si dhe mesfushorin Medel, të cilët gjithashtu ka qenë problematik me raportin që ata kanë patur me alkoolin.
“Pinilla është një tjetër person që kujdesej vetëm për të festuar dhe abuzuar me alkoolin. Medel gjithashtu i cili edhe pse nuk pinte kishte dëshirë të kalonte më shumë kohë nëpër klube nate.”
Tekniku i Kombëtares Argjentinase më pas theksoi se edhe pse shiriti i kapitenit mbahet nga portieri Claudio Bravo skuadrën e drejton grupi i përbërë nga Jara, Vidal, Beausejour, Valdivia.
