Disfata e tmerrshme përballë Spanjës me rezultatin 6-1, ka bërë që trajneri i Argjentinës Jorge Sampaoli të zhvillojë edhe njëherë një tur në Europë për tu takuar me lojtarët. Lista e 23 lojtarëve për kombëtaren “albiçelseste” do të jetë mjaft e vështirë, pasi alternativat në sulm janë të shumta.
Montentalisht Sampaoli ndodhet në Itali aty ku janë tre sulmues mjaft të talentuar, por që nuk janë ftuar në ndeshjen e fundit nga trajneri. Të mërkurën ai ka qënë në Torino ku ka takuar Higuain dhe Dybala, me këtë të fundit që ka më pak shpresë për tu grumbulluar. Ndërsa në ditët në vazhdim do të takohet me Mauro Icardin dhe Biglian në Milano, pas këtij takimi do të vendoset nëse kapiteni zikaltër do të jetë në Rusi apo do ta shohë nga shtëpia. Mauro Icardi është golashënuesi i dytë më i mirë i Serie A në këtë sezon: 27 gola.
Botërori është gjithnjë dhe më afër dhe të gjithë trajnerët po ndjekin me kujdes të gjitha paraqitjet e lojtarëve që mund të grumbullohen. Kombëtarja e Argjentinës është një nga ato që ka shumë alternativa në dispozicion, veçanërisht në sulm. Lajmi është bërë i ditur nga “Tyc Sports”. Ish-trajneri i Kilit dhe Sevilla-s po shëtit Europën dhe po flet me të gjithë lojtarët që mendon se mund të grumbullohen.
Në listën paraprake të sulmuesve janë: Messi, Aguero, Dybala, Lautaro Martinez, Pavon dhe Higuain. Por në grupin e mesfushorëve ka shumë lojtarë sulmues: Lanzini, Lamela, Perotti, Di Maria që e bëjnë akoma më të vështirë garën për Dybala. Ndërkohë, duket se mbetet përfundimisht jashtë Mauro Icardi, i cili është golashënuesi i dytë më i mirë i Serie A në këtë sezon: 27 gola.
