Samit i Ohrit, i cili është parashikuar të zhvillohet ditën e sotme ka mbledhur bashkë liderët e Ballkanit, kryeministrin Edi Rama, homologun e tij maqedonas, Zoran Zaev dhe presidentin e Serbisë Aleksandër Vuçiç. Ku do të diskutohet mbi zbatimin e katër lirive të Bashkimit Europian, ku përfshihen lëvizja e mallrave, njerëzve, produkteve dhe shërbimeve.
Po ashtu, është përcaktuar që në orën 12:00 të mbahet një konferencë e përbashkët për shtyp mes tre përfaqësuesve të këtyre shteteve.
Pjesëmarrës do të jenë edhe kryetari i Këshillit të Ministrave të Bosnje-Hercegovinës, dhe ministrja e Ekonomisë të Malit të Zi.
Sakaq, presidenti i Kosovës, Hashim Thaçi ka refuzuar të marrë pjesë në takim. Teksa argumentoi se nuk mund të marrë pjesë në një samit, ku marrin pjesë shtete që ende nuk e njohin pavarësinë e Kosovës.
Shefi i qeverisë shqiptare mbërriti dje pasdite në Maqedoninë e Veriut, ndërsa u takua me Aleksandër Vuçiç dhe Zoran Zaev.
