Liderët e G20-ës janë mbledhur në Hamburg, ku janë pritur me dhunë e protesta.
Samiti i G20 është pritur me protesta të dhunshme, pasi të paktën 26 policë janë plagosur nga protestuesit, ndërsa tre oficerë janë dërguar në spital për të marrë ndihmën mjekësore.
Nga dhuna e përdorur, janë lënduar edhe vetë protestuesit, të cilët sulmuan sot forcat e sigurisë pranë hotelit “Park Hyatt” në Hamburg.
Në takim pritet të bisedohet për një varg çështjesh, përfshirë tregtinë dhe ndryshimet klimatike. Gjithashtu, presidenti i Shteteve të Bashkuara, Donald Trump, do të takojë presidentin e Rusisë, Vladimir Putin.
Presidenti i Komisionit Evropian, Jean-Claude Juncker, u tha gazetarëve se udhëheqësit botërorë në samit nuk janë “as të verbër, as të shurdhër” ndaj trazirave në rrugët e Hamburgut.
