Ish-kandidat i Bindjes Demokratike për zgjedhjet e 30 qershorit, Salvador Kaçaj ka treguar arsyet pse u tërhoq nga gara për Bashkinë e Lezhës.
Sipas tij, pjesëmarrja në garë është e padrejtë dhe jo e ndershme, teksa shtoi se katër vite më parë është bërë një reformë zgjedhore e njëanshme.
“Bëra një test në Lezhë dhe pashë që ky sistem nuk do të funksionojë. Është një pjesëmarrje jo e ndershme dhe e drejtë. Pas testit pashë në terren se s’do ketë zgjedhje me 30 qershor. Demokratët nuk do të marrin pjesë në votime”, tha Kaçaj.
Në lidhje me personin që u interesua për angazhimin e tij në Partinë Bindja Demokratike, Kaçaj u shpreh se ishte Patozi ai që e kontaktoi.
“Ai ka qenë ai që më ka kontaktuar, por nuk ka ndonjë rëndësi kjo. E pashë që është e pamundur të zhvillohet kjo garë me 30 qershor”, deklaroi Kaçaj.
