Deputeti demokrat Ervin Salianji, ironizoi qeverinë për skandalin e inceneratorëve, teksa ishte i pranishëm në Komisionin e Sigurisë. Deputeti Salianji i ka bërë thirrje qytetarëve që kanë të moshuar në shtëpi, t’i kontrollojnë llogaritë bankare, pasi mund të rezultojnë si milionerë.
“I bëj thirrje qytetarëve që kanë të moshuar në shtëpi, ose që ju kanë ndërruar jetë, që të kontrollojnë llogaritë bankare, mund te kenë miliona euro në llogari”, theksoi Salianji.
Pas kësaj deklarate thumbuese, drejtuesi i seancës, Nasip Naço nuk i është përgjigjur, por i ka bërë thirrje deputetëve që të flisnin për projektligjin në rendin e ditës.
