Deputeti i PD-së, Edi Paloka ka komentuar shkarkimin e kreut të Policisë së Shtetit, Haki Çakos.
Ashtu si kreu i PD-së, edhe Paloka tha se Çako është një “kokë turku” e Ramës, ndërsa shtoi se nuk ka kuptim që të shkarkohet një drejtues me arsyetimin se duhet ndërruar.
Më tej, Paloka tha se Çako jo vetëm duhej të ishte shkarkuar, por edhe kallëzuar penalisht, ndërsa përmendi edhe ish-ministrin Tahiri, i cili sipas tij “u nis po ashtu si kokë turku, por Rama u tërhoq pas kërcënimeve”.
Fjala e Palokës në News 24:
Haki Çako, koka e turkut e Ramës. Përgjegjësi pas Saimir Tahirit është direkt Edi Rama.
Çako duhej të ishte larguar kohë më parë, s’duhej të dëgjonim lavdërime, por kallëzim penal për Haki Çakon.
Nuk po ndërrojmë makina, drejtuesit e policisë kanë bashkëpunuar hapur me krimin.
Edhe Tahiri u nis për kokë turku, ishin kërcënimet a nuk e di ca ndodhi që u tërhoq Rama. S’mund të bënte asgjë Tahiri pa dhënë urdhër Rama. Çdo gjë është bërë me dije të Edi Ramës.
Në fakt para drejtësisë duhej të shkojë Rama, këta nuk mund ta çojnë para drejtësisë Çakon sepse do duhej të dilnin vet. Prandaj Çako shkon i buzëqeshur në zyrë. TIRANA TODAY
