Ish-ministri i Brendshëm, Saimir Tahiri do të flasë sërish sot në orën 12:00.
Këtë e ka bërë të ditur vetë deputeti socialist, i cili akuzohet nga Prokuroria e Krimeve të Rënda për trafik droge.
Me anë të një postimi në Facebook, Tahiri shkruan se do të dalë sot drejtpërdrejt në Facebook, ndërsa shkruan “Deri në fund për të vërtetën”.
Deputeti socialist ishte mjaft i bindur për arrestimin e tij, një ditë para mbledhjes së Këshillit të Mandateve, teksa foli në një intervistë në Opinion.
Ndërkohë, të nesërmen ky qëndrim ndryshoi, teksa vetë ministri i Brendshëm tha se Prokuroria nuk ka prova për arrestimin e deputetit, gjë që e ritheksoi dje Rama, i cili deklaroi se PS nuk e pranojë kërkesën për arrestim.
“Nuk mund të arrestohem unë se dy kriminelë përmendin emrin tim kur flasin në telefon”, u shpreh ndër të tjera Tahiri në mbledhjen eKëshillit të Mandateve.
