Hapësirat e pakta që ka pasur nëkëtë gjysmë sezoni tek Legia, të bëjnë të mendosh që sulmuesi i kombëtares, Aramando Sadiku do të largohet. Duket se orët e fundit të merkatos bomberi elbasanas do të lër Poloninë dhe do të transferohet në La Liga.
Mediat spanjolle kanë raportuar sot se ekipi i Levantes në “La Liga” po përgatit një ofertë 1 milionë euroshe për 26-vjeçarin pasi kërkon të përforcojë grupin për të mos vënë në diskutim qëndrimin në kampionatin elitar iberik.
Klubi i Legias pak ditë më parë ka dalë në një qëndrim të çuditshëm ku ka thënë se sulmuesi brazilian që zë vendin e Sadikut edhe nëse është në gjysmë të formës na bën më shumë punë se shqiptari. Kjo të bën të besosh se ata nuk do të pengojnë një largim të mundshëm dhe këtë lajm e kanë raportuar edhe mediat polake.
