Shqipëria gjen edhe golin e dytë dhe është përsëri Armando Sadiku që ka gjetur rrugën e rrjetës. Nuk kanë të ndalur kombinimet mes tij dhe Odise Roshit, me ktë të fundit që është duke treguar një formë mjaft të lartë.
Është minuta e 39’ dhe turqit janë duke dominuar ndeshjen dhe kanë kërcënuar disa herë portën e Berishës. Në një moment kundërsulmi Roshi hedh në zonën ku ndodhet Sadiku një krosim perfekt dhe ky i fundit e dërgon në rrjetë. Pak minuta pas shënimit të golit Memushaj ndëshkohet me kartonin e dytë të kuq dhe detyrohet të lejë fushën. Kjo ishte një goditje e rëndë për kuqezinjtë që ishin duke kaluar një formë mjaft të mirë.
