Kohë më parë, sizmologu Rrapo Ormeni ka deklaruar se Shqipëria është pjesë e hartës së vendeve, ku risku është i lartë. Në vendin tonë goditja më e fortë është regjistruar në vitin 1979, në kufirin me Malin e Zi. Tërmeti ka qenë me magnitudë 6.1. Ka pasur pasoja të konsiderueshme në Shkodër, duke rrafshuar lagje të banuara. Por sa të sigurta janë banesat në situata të tilla, dhe sa janë zbatuar rregullat në ndërtimin e tyre, për të përballuar lëkundje të tilla apo edhe më të forta?
https://tiranatoday.com/termeti-i-forte-shkund-shqiperine/
Të dhënat historike tregojnë se tërmetet kanë shkatërruar krejtësisht disa herë Durrësin, teksa lëkundjet sizmike renditen të parat për katastrofat që mund t’i krijojnë vendit fatkeqësitë e tjera natyrore.
Shqipëria renditet e 43-ta në botë për rrezikun nga tërmetet, ndërsa lëkundjet shkatërruese mund të shfaqen çdo shekull. Ekspertët tregojnë se vendi nuk ka as fondet e as infrastrukturën e mjaftueshme, për të përballuar dukuri të tilla.
https://tiranatoday.com/termetet-jane-te-paparashikueshem-mbi-930-lekundje-per-nje-muaj/
Ndër vite, vendin tonë i është dashur të paguajë një faturë të lartë, për shkak të dëmeve që kanë krijuar fatkeqësitë, të tilla si tërmetet, përmbytjet dhe zjarret, etj. Ndërsa për ndërtesat pas viteve ‘90, garancia është më e lartë, pasi për ndërtimin e tyre është përdorur hekur dhe beton.
Ndonëse ndërtimet në Tiranë në dy dekadat e fundit janë realizuar duke marrë në konsideratë tërmete nga 7-8 ballë, nuk përjashtohen mundësitë e abuzimeve me hekurin dhe betonin. Objektet më të rrezikuara janë ato të ndërtuara me qerpiç, tullë.
