Rusia ka vendosur sanksione ndaj gruas dhe vajzës së presidentit amerikan Joe Biden, raporton Reuters. Sipas agjencisë ruse të lajmeve RIA Novosti, Dr Jill Biden dhe Ashley Biden janë mes 25 shtetasve amerikanë në një listë të zgjeruar të sanksioneve.
Hapi u ndërmor “si një përgjigje ndaj sanksioneve gjithnjë në zgjerim të SHBA-së kundër figurave politike dhe publike ruse”, tha Ministria e Jashtme e Rusisë në një deklaratë.
Në prill, SHBA-ja njoftoi sanksione kundër dy vajzave të presidentit rus Vladimir Putin – Maria Vorontsova dhe Katerina Tikhonova.
Dy vajzat e rritura të ish-bashkëshortes së Putinit, Lyudmila Shkrebneva, u vunë në shënjestër për sanksione “bllokimi të plotë” së bashku me gruan dhe vajzën e Ministrit të Jashtëm, Sergei Lavrov dhe anëtarët e këshillit të sigurisë të Rusisë, duke përfshirë ish-presidentin dhe kryeministrin Dmitry Medvedev.
Burimi i lajmit: The Guardian. Përshtatur nga Tirana Today