Ministri i Jashtëm i Rusisë, Sergei Lavrov, i ka kërkuar Presidentit të Bjellorusë Alekandër Lukashenko, që të respektojë marrëveshjet me Kremlinin dhe të vazhdojë me reformën kushtetuese.
“Siç Presidenti Putin ka theksuar në mënyrë të përsëritur, ne jemi të interesuar të shohim nisjen e këtyre nismave,” i tha Ministri i Jashtëm rus Sergei Lavrov, Lukashenkos gjatë një udhëtimi në kryeqytetin Bjellorus, Minsk ditën e sotme.
Kjo do të shuante krizën politike në vend, pas muajsh të tërë protestash, shkruajnë agjensitë ruse të lajmeve.
Lukashenko, i cili po përballet me thirrjet për të dhënë dorëheqjen pas zgjedhjeve presidenciale të 9 gushtit, për të cilat protestuesit thonë se ishin të manipuluara, premtoi gjatë bisedimeve me Presidentin rus Vladimir Putin në 14 shtator se ai do ta reformonte kushtetutën e Bjellorusisë.
