Kremlini ka njoftuar se nuk pret që Gazprom të shkurtojë furnizimet me gaz për ndonjë klient tjetër evropian. Firma ruse e energjisë tashmë ka ndaluar furnizimet në disa vende, duke përfshirë Poloninë dhe Finlandën, pasi ato refuzuan të bënin pagesa në monedhën ruse.
Por Kremlini thotë se skema e tij e rublave – e krijuar në përgjigje të sanksioneve perëndimore – po funksionon siç synohet, sipas Reuters.
Ai tha gjithashtu se nuk është arritur asnjë marrëveshje me Turqinë për eksportimin e dërgesave të grurit ukrainas përmes Detit të Zi.
Turqia ka shtyrë për një marrëveshje midis Rusisë dhe Ukrainës, mbi një plan për të rifilluar eksportet e grurit nga portet ukrainase.
Zëdhënësi i Presidentit Putin, Dmitry Peskov tha se puna po vazhdon.
Burimi i lajmit: BBC. Përshtatur nga Tirana Today
