E gjithë Rusia prej shumë vitesh është në duart e një njeriu të vetëm. Emri i tij është Vladimir Putin dhe po drejton një nga superfuqitë e botës që prej vitit 2000. Në këto kohë ka pasur katër mandate President dhe një si kryeministër. Në periudhën kur ai ishte kryeministër sepse ligji në rusi nuk lejonte tre mandate rresht të presidentit ai vendosi Dmitry Medvedevin si President.
Sapo u rizgjodh në mandatin e tretë si president ai e vendosi edhe Medvedevin si kryeministër . Edhe tani që Putin ka mandatin e katërt si President ka përzgjedhur sërish kukullën e tij si kryeministër, kjo jo për shkak të aftësive të Medvedev por për arsye se ky i fundit është gjithmonë në shërbim të numrit 1 të Rusisë.
Ky vendim i Putinit është dërguar në Dhomën e Ulët të Parlamentit, është njoftuar përmes një deklarate të Kremlinit, pak kohë pasi Putin u inaugurua edhe për një mandat gjashtëvjeçar në postin e presidentit. Duma shtetërore pritet që ta shqyrtojë nominimin më 8 maj.
Duket se vendimi i Putinit do të miratohet nga Duma shtetërore, e cila dominohet nga partia në pushtet, Rusia e Bashkuar.
Sipas Kushtetutës, Qeveria është e obliguar që të japë dorëheqje kur fillon mandati i ri i presidentit.
Në Rusi, kryeministri është numri dy në hierarkinë e shtetit dhe kryesisht ka përgjegjësi për çështjet ekonomike dhe i përgjigjet presidentit.
