Rusia do të ndërpresë furnizimin me gaz në Finlandë duke filluar nga nesër, sipas një deklarate të kompanisë energjitike Gasum. Kompania kryesore e gazit finlandeze, Gasum, tha të premten se furnizimet me gaz rus në Finlandë do të ndërpriten të shtunën në orën 7 të mëngjesit me orën lokale.
Duke filluar nga e shtuna dhe gjatë sezonit të ardhshëm veror, Gasum do të furnizojë klientët e saj me gaz natyror nga burime të tjera, tha firma shtetërore në një njoftim për shtyp.
“Është shumë për të ardhur keq që furnizimet me gaz natyror, sipas kontratës sonë të furnizimit tani do të ndalen”, tha CEO i Gasum, Mika Wiljanen, duke vënë në dukje se kompania është “përgatitur me kujdes për këtë situatë”.
Wiljanen vazhdoi duke thënë se “me kusht që të mos ketë ndërprerje në rrjetin e transmetimit të gazit, ne do të jemi në gjendje të furnizojmë me gaz të gjithë klientët tanë në muajt në vijim”.
Zëvendëspresidentja e Gasum, Olga Väisänen i tha CNN të premten se Finlanda po merr gjithashtu gaz përmes tubacionit të saj Balticconnector nëpërmjet Estonisë, por duke shtuar se sezoni i dimrit do të jetë “sfidues”.
Të martën, firma e gazit tha se nuk do të paguante për gazin rus në rubla, ose nuk do të përdorte skemën e propozuar të Gazprom për pagesat për gazin. Në një deklaratë, kompania tha se negociatat mbi një kontratë afatgjatë të gazit me Gazprom ishin në mosmarrëveshje, dhe se po e çonte Gazprom në arbitrazh për të provuar dhe zgjidhur çështjen.
Finlanda, së bashku me Suedinë, kanë paraqitur aplikime për t’u bërë pjesë e NATO-s në përgjigje të luftës së Rusisë kundër Ukrainës, e cila shkaktoi shqetësime për sigurinë në të gjithë rajonin. Ministria e Jashtme e Rusisë, ka paralajmëruar se Rusia “do të detyrohet të ndërmarrë hapa hakmarrës, si të natyrës ushtarako-teknike ashtu edhe të natyrës tjetër” nëse Finlanda dhe Suedia i bashkohen aleancës. Finlanda ndan një kufi 800 milje të gjatë me Rusinë.
Burimi i lajmit: CNN. Përshtatur nga Tirana Today
