Ministri i Jashtëm ukrainas, Dmytro Kuleba, ka mbërritur në Turqi për bisedime me homologun e tij rus, Sergei Lavrov, pasi pushtimi rus në Ukrainë hyn në javën e tretë.
Kuleba “ka filluar vizitën e tij në Turqi ku (ai) do të marrë pjesë në bisedimet për ndërprerjen e armiqësive nga Rusia dhe përfundimin e luftës së saj kundër Ukrainës”, tha Ministria e Jashtme e Ukrainës në Twitter.
Takimi zhvillohet një ditë pas një sulmi rus në një maternitet në portin ukrainas të Mariupol të rrethuar në Detin e Zi, i cili ka plagosur të paktën 17 persona dhe ka shkaktuar një valë dënimesh ndërkombëtare.
Presidenti turk Rexhep Tajip Erdogan tha se shpreson se takimi mes Lavrov dhe Kuleba, i planifikuar të zhvillohet në resortin turk të Antalias në Mesdhe, “do të hapë derën për një armëpushim të përhershëm”.
Burimi i lajmit: rferll.org. Përshtatur nga Tirana Today
