Botërori Rusi 2018 është ngjarja më e madhe futbollistike në vitin e ardhshëm, ku yjet e futbollit botërorë do të synojnë të ngrenë trofeun madhështorë me kombëtaret e tre. Kur kanë mbetur edhe dy ndeshjet e fundit të fazës eliminatore në grupe, disa nga grupet vazhdojnë të kenë një konkurrencë të fortë.
Në grupin A llogaritë janë të hapura për dy vendet e para dhe janë 4 ekipe që luftojnë për një biletë në Rusi. Franca kryeson grupin por vetëm me një pikë më shumë se Suedia e vendit të dytë, respektivisht 17 me 16. Pas tyre vjen Holanda që ka shanse të mëdha pasi ka 13 pikë dhe ndeshjen e fundit e kanë në shtëpi përballë Suedisë së vendit të dytë. Edhe Bullgaria do të shfrytëzojë mundësitë e saj pasi qëndron e katërta me 12 pikë dhe nëse i fiton të dyja ndeshjet e mbetura mund të sigurojë një udhëtim madhështorë në Rusi. Priteshe që Franca ta siguronte pa shumë problem kualifikimin me yjet që ka në organikë por edhe njëherë kjo situatë vërteton që nuk ka ekipe kombëtar të dobëta.
Grupi B do të bëj llogari vetëm për vend të parë dhe të dytë pasi Zvicra dhe Portugalia kanë grumbulluar një sasi pikësh që nuk mund të arrihen nga vendi i tretë. Se kush ekip do të presë një biletë direkt për në Botëror do të vendoset në përballjen e fundit që luhet në Portugali mes këtyre ekipeve. Ekipi i komanduar nga Ronaldo që është edhe në majën e golashënuesve në këto eleminatore, do të provojë gjithçka për të kapur majën e grupit.
Grupi C dominohet nga Gjermanët të cilët i kanë fituar të teta ndeshjet e luajtura deri tani, ata kanë grumbulluar 24 pikë dhe kanë shënuar 34 herë, e kanë pësuar vetëm dy. Vendin e dytë e mbanë Irlanda e Veriut që e ka siguruar tashmë këtë pozitë. Azerbajxhani, Norvegjia dhe Cekia nuk kanë arritur të jenë pengesë për këto dy ekipe që të rivalizojnë deri në ndeshjen e fundit.
/cdn.vox-cdn.com/uploads/chorus_image/image/52952083/622998654.1485536876.jpg)
Grupi D kryesohet nga Serbia me 18 pikë, por që nuk ka siguruar asgjë deri tani. Pasi Wells i Gareth Bale dhe Irlanda qëndrojnë në vendin e dytë me nga 16 pikë dhe do të luftojnë fort për të udhëtuar në Botëror. Për wellsianët do të ishte pjesëmarrja e parë dhe janë shumë afër realizimit të kësaj ëndrre, por është në dyshim nëse ylli i tyre Bale do të jetë në fushë këto dy ndeshje pas një dëmtimi të pësuar. Wells do të ketë një vizitë në Gjeorgji dhe më pas do të ketë një finale me Irlandën në shtëpi për të vendosur gjithçka. Ndërsa Irlanda do të presë Moldavinë në ndeshjen e parë në shtëpi, një ndeshje jo e vështirë për irlandezët. Edhe Serbia nuk do ta ketë të lehtë pasi do të luaj përballë Austrisë dhe Gjeorgjisë, kundërshtarë mjaft të vështirë edhe pse në pozita jo të mira në klasifikim.
Grupi E kryesohet nga Polonia e Lewandowskit që ka grumbulluar 19 pikë e ndjekur nga Mali I Zi dhe Danimarka me nga 16. Edhe ky grup është i hapur si për vendin e parë që shkon direkt në Botëror edhe për të dytin. Mali i Zi i Jovetic do të udhëtojë në Poloni në ndeshjen e fundit. Danimarka nga ana tjetër nuk do t’ia falte vetes një dështim tjetër pas atij në Francë, ku nuk arritën të kualifikohen pasi ua zuri vendin Shqipëria.
Grupi F komandohet nga Anglia e cila nuk njeh humbje deri tani, ka 6 fitore dhe 2 barazime, nuk shënojnë shumë por edhe nuk pësojnë. Një luftë do të ketë për vendin e dytë pasi janë tre ekipe që synojnë të mbajnë atë vend. Sllovakia 15 dhe Sllovenia e Skocia me 14 do të kenë mundësinë të tregojnë forcën në këto dy ndeshje për të marrë vendin e dytë. Shanset më të mëdha për të kaluar grupin i ka Sllovakia e Hamshik, e cila pas përballjes direkte me Skocinë do të presë modestët e Maltës në shtëpi. Ndërsa Sllovenia dhe Skocia do të kenë përballje të vështira.
Grupi G ku bën pjesë edhe Shqipëria komandohet nga Spanja, e ndjekur nga Italia. Nuk ka shumë shpresë për një kualifikim të kombëtares Shqiptare pasi dy ndeshjet në vijim i ka me më të fortat e grupit. E vetmja gjë për tu ndarë në këtë grup është se kush do të jetë lideri dhe me shumë shanse do të shohim spanjollët e Lopetegui në majë. Shqipëria do të mundohet të ruaj vendin e tretë për të qënë në një vazo më të mirë për kualifikueset e Europianit të radhës.
Grupi H nuk ka dyshim për kreun, pasi Begjika me superlojarët që ka në organikë nuk do ti falte vetes një dështim tjetër pas një Europiani zhgënjyes që zhvilloi. Vendi i dytë është akoma në dilemë pasi Bosnja e Edin Dzeko qëndron vetëm një pikë më shumë se Greqia e cila ka 13 pikë. Grekët janë favoritë në dy sfidat e radhës, pasi do të përballet me Qipron jashtë dhe me Gjibraltarin në shtëpi. Bosnja pret kryesuesit e Belgjikës dhe më pas ka Estoninë.
Në grupin I ku bën pjesë edhe Kosova e cila qëndron e fundit me një pikë, lufta është më e ashpër për pjesëmarrëset në Rusi 2018. Janë katër skuadra që luftojnë për dy vende. Kroacia dhe Islanda ndajnë vendin e parë me nga 16 pikë, ndërsa në të dytin me 14 pikë janë Turqia dhe Ukraina. Kroacia pa dyshim do të luftojë për të qenë koka e grupit pasi ka në përbërje lojtarë të klasit botëror, por edhe Turqia e Islanda do të luftojnë fort pasi kanë treguar lojë të bukur dhe rezistencë në ndeshjet që janë zhvilluar deri tani. Gjithçka është e hapur në grupin I.
/Tirana Today/
