Autoritetet amerikane kanë hetuar për 4 vite, duke përdorur ekspertët më të mirë dhe tani janë të sigurt. Rusët qëndrojnë pas sulmeve ndaj diplomatëve dhe agjentëve të shërbimit sekret amerikan në selitë diplomatike në vende të ndryshme të botës.
Ato kanë qenë më të shpeshta ndaj ambasadave amerikane në Kubë, Kinë dhe Rusi, 3 vende me të cilat SHBA ka pasur dhe ka raporte të tensionuara.
Në vitet 2016-2017, dhjetëra zyrtarë u ankuan për dhimbje të forta koke, zhurmë në vesh, marramendje, humbje të kujtesës, shikimit, pagjumësi, dobësi trupore dhe depresion.
Shkencëtarët amerikanë, janë të bindur se Rusia i është kthyer armës së vjetër të KGB-së sovjetike. Ajo funksionon me mikrovalë, dhe synon të prishë funksionet normale të trurit.
CIA ka arritur në përfundimin se pajisja mund të emetojë rreze të dëmshme përtej mureve dhe dritareve deri në 3.2 km distancë.
Studiuesit zbuluan se truri i të sëmurëve, ishte dëmtuar njëlloj si të kishte pësuar një traumë të fortë. Sulmet nuk kanë ndodhur vetëm jashtë, por dhe brenda SHBA-së në të paktën 2 raste.
TIRANA TODAY
