Politikë

Ruçit i ka ngelur ora, ngatërron Kuvendin me Byronë e Partisë

               Publikuar në : 13:42 - 20/12/18 ad min

Kryetari i Kuvendit të Shqipërisë, Gramoz Ruçi, gjatë rinisjes së seancës parlamentare për të dytën herë, është detyruar ta ndërpresë sërish seancën për arsye se deputeti i PD, Endri Hasa refuzoi të braktisë sallën, pasi u përjashtua për 10 ditë me vendim të Byrosë së Kuvendit.

Ndërkohë që i kërkonte kreut të Grupit Parlamentar të PD, Edmond Spaho që të kontribuojë që deputeti Hasa të lerë sallën, një lapsus në artikulim të Ruçit shkaktoi të qeshura në sallë, ku ngatërroi duke thënë Byroja e Partisë në vend të Byrosë së Kuvendit.

“Do ta jap fjalën sapo të largohet deputeti në zbatim të vendimit të byrosë së partisë … të Kuvendit”, tha Ruçi, ndërsa ky moment ka shkaktuar të qeshura dhe ironi nga ana e opozitës.

Kthehu
WhatsApp Denonco ne TT