Kreu i grupit Parlamentar në Partinë Socialiste, Gramoz Ruçi ka reaguar pas akuzave të bëra nga radhët e LSI, lidhur me dhunimin e aktivisti të saj në Zharrës të Fierit .
Ruçi nëpërmjet kësaj deklaratë tha se selia rozë distancohet nga çdo akt dhune dhe se nuk duhet të mos politizohen çështje që s’kanë të bëjnë me politikën.
Nga ana tjetër, ai është shprehur se socialistët nuk e mbështesin dhunën, duke pohuar se incidenti kishte ndodhur pas një sherri për vijën e ujit.
“Dëgjova qe ne socialistet paskemi krijuar incident. Meta e Bitri e dini mire se kane qene pjesëtare te familjes socialiste dhe kjo force politike nuk mbështet asnjë lloj dhune, pasi nuk do qe te vuaj askush atë qe ne kemi vuajtura. Distancohemi hapur dhe qarte nga çdo rast dhune. Nëse incidenti ishte për një vij ujë te mos e politizojmë. Gjithsecili është ne korsinë e vete PS, PD, LSI dhe forca te tjera dhe populli është arbitri qe do te përcaktojë se kush do ta fitoj garën. Do te fitoj ai ekip qe ka mbështetjen me te madhe dhe alternativen me te mire. Dhuna nuk i përket socialisteve, ndaj te mos politizohen çështje qe skanë te bëjnë me politiken”, tha Ruçi.
