Teksa e gjithë vëmendja e medieve është se kur do të arrestohet deputeti Saimir Tahiri në qoftë se Kuvendi do ti heq mandatin e deputetit. Kryetari i Kuvendit Gramoz Ruçi thotë se nuk ka marrë një kërkesë nga prokuroria dhe nuk jep një orë të mbledhjes se Këshillit të Rregullores, Imunitetit dhe Mandateve.
Më herët ne media u publikua lajmi Prokuroria e Krimeve të Rënda në shkresën e dërguar Kuvendit të Shqipërisë, kërkon autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “Trafikut të narkotikëve”, kryer në bashkëpunim, në formën e posaçme të grupit të strukturuar kriminal dhe “Korrupsionit pasiv të zyrtarë të lartë shtetërore dhe të zgjedhurve vendorë”, parashikuara nga nenet 283/a/2 dhe 260 të Kodit Penal.
PROKURORIA E PËRGJITHSHME
KABINETI
Tiranë, më 19.10.2017
NJOFTIM PER MEDIAN
Prokuroria për Krime të Rënda kërkon heqjen e imunitetit për deputetin Saimir Tahiri
Prokuroria për Krime të Rënda kërkon nga Kuvendi i Shqipërisë autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “Trafikut të narkotikëve”, kryer në bashkëpunim, në formën e posaçme të grupit të strukturuar kriminal dhe “Korrupsionit pasiv të zyrtarë të lartë shtetërore dhe të zgjedhurve vendorë”, parashikuara nga nenet 283/a/2 dhe 260 të Kodit Penal.
Prokuroria për Krime të Rënda po zhvillon hetime, në bashkëpunim me autoritetet italiane, për një grup kriminal, i cili ka trafikuar sasi të mëdha lënde narkotike kanabis sattiva nga Shqipëria në drejtim të Italisë.
Në bazë të të dhënave të përftuara në kuadër të këtij hetimi, Prokuroria për Krime të Rënda kërkon nga Komisioni i Mandateve në Kuvendin e Shqipërisë dhënien e autorizimit për “arrestimin, heqjen e lirisë dhe kontrollin personal e të banesës” për deputetin Saimir Tahiri.
