Shumë nga rrugët e nisura në vend nuk kanë përfunduar ose janë lënë përgjysmë nga firmat e kontraktuara për ndërtim. Një audit i fundit i Kontrollit të Lartë të Shtetit tregon se borxhet e prapambetura të këtyre firmave shkojnë në vlerën 4.1 miliardë lekë.
Kontrolli i Lartë i Shtetit rekomandon ministrinë e Transportit dhe Infrastrukturës të zhvillojë prokurime vetëm pasi ka siguruar paratë nga firma.
“Krijimi i detyrimeve të prapambetura nuk është shoqëruar me një analizë të shkaqeve të pagesave të vonuara. Nuk është respektuar disiplina buxhetore, kryesisht në drejtim të planifikimit buxhetor, kontrolleve financiare paraprake dhe rritjen e eficiencës së shpenzimeve nga ana e titullarëve, nëpunësve autorizues, nëpunësve zbatues. Nuk janë marrë masa paraprakisht për të siguruar financimin e mjaftueshëm për vitin ushtrimor përpara se të fillojë prokurimi, bazuar në disponibilitetin e fondeve buxhetore” shkruhet në auditin e KLSH.
