Protestuesit duket se janë gati të lënë rrugën e Kombit. Sipas informacioneve që vijnë nga Kukësi protestuesit po shkojnë drejt një marrëveshje me qeverinë.
Pas protestës së dhunshme dhe përplasjes me policinë, protestuesit janë tërhequr dhe janë gati të pranojnë një marrëveshje nëse qeveria do të tërhiqet nga taksa mbi Rrugën e Kombit. Po ashtu qytetarët kërkojnë garanci që të mos arrestohen.
Ndërkohë më herët protestuesit u përplasën me policinë, ky qytetarët të shumtë u lënduan, ndërsa nga ana tjetër, u plagos një oficer policie.
Këtë ngjarje kryeministri Edi Rama e cilësoi si një papërgjegjshmëri të qytetarëve, të cilët sipas tij do të mbajnë çdo përgjegjësi për dhunimin e pronës publike. Ndërsa kryedemokrati Lulzim Basha i kërkoi kreut të qeverisë Rama të tërhiqet nga vendimi arbitrar i taksës së kombit që rëndon në xhepin e qytetarëve shqiptarë dhe atyre të Kosovës.
