Situata e krijuar së fundmi ka ndikuar dhe tek kryeministri Rama, i cili duket mjaft i tensionuar. Vetëm një ditë më parë kryeministri Rama, ka folur rreth kontratës, duke iu përgjigjur pyetjeve të gazetarëve.
Ajo në fakt që ra në sy në këtë konferencë të kryeministrit ishte fjala ‘tarifim’, fjalë kjo e cila nuk përdoret në kontratën me koncesion të rrugës.
Kryeministri Rama, në fakt iu drejtua gazetarëve nëse e kishin lexuar kontratën apo jo, se kjo do ti jepte më shumë mundësi atyre të mësonin më shumë rreth kësaj kontrate.
Por mesa duket kryeministri, nuk i ka të qarta vete termat nëse flasim për ‘taksë’ apo ‘tarifë’. Kjo sepse në kontratën e nënshkruar nga palët në asnjë rast nuk përdoret termi ‘tarifë’ por taksë.
Taksë
Taksë quhet çdo pagesë e detyrueshme me ligj, që bëjnë në favor të buxhetit të shtetit, personat fizik e juridik të një vendi, në bazë të të ardhurave ose të pasurisë që ata kanë, të konsumit të mallrave e të shërbimeve që përfitojnë.
Tarifë
Çmimi i caktuar nga shteti për sende të konsumit, për shërbimet e ndryshme publike etj; pagesë që i bëhet shtetit për përdorimin ose për shfrytëzimin e diçkaje; tabelë për çmimet ose për pagesat e tilla. Tarifë doganore taksë c caktuar për mallrat që sillen nga jashtë ose që nxirren jashtë shtetit. Tarifat postare. Tarifat e energjisë elektrike (e ujit, e transportit). Vendosi tarifa të reja. U ngritën (u ulën) tarifat.
A e ka lexuar vallë kryeministri kontratën ?
