Një zhurmë mjaft e madhe u krijua orët e fundit, se qytetarët e jo vetëm, do të mblidheshin bashkë në një protestë, për tarifën në “Rrugën e Kombit”. Por zyrtarisht në polici nuk është marrë asnjë leje.
Prej mesnatës së sotme ka nisur të aplikohet tarifa për kalimin në “Rrugën e Kombit”, ku janë vendosur gjithsej 10 sportele për pagesat.
Ndërkohë që një prej shoferëve të furgonëve që bëjnë çdo ditë rrugën nga Kukësi drejt Tiranës, ka shprehur shqetësimin e tij, pasi është detyruar që të paguajë 5 euro për kalimin, ndryshe nga kolegët e tij, që kanë mjete të të njëjtit lloj, raporton “FaxNews”.
Drejtuesi i mjetit thotë se ka paguar 5 euro me licensë të transportit publik, ndërsa shokët e tij nga 100 lekë. Furgoni është 8+1 dhe është i rregjistruar në Kukës.
https://tiranatoday.com/deshton-plani-urtesohen-qytetaret-asnje-proteste-per-rrugen-e-kombit/
Më poshtë po ju paraqesim pagesat për disa kategori:
Tarifa për kalimin e automjeteve në autostradën Milot –Morinë do të jetë 660 lekë (ose 5 euro).
Për banorët e qarkut Kukës, kjo tarifë është e reduktuar në 100 lekë me tvsh
Për çdo kalim deri në 44 kalime, tarifa është 100 lekë përfshirë edhe tvsh-në
Tarifat variojnë sipas llojit të mjetit; motoçikletat dhe automjete me tre rrota do të paguajnë 330 lekë, përjashtim bëjnë banorët e qarkut Kukës, të cilët do ta kenë tarifën 50 lekë
Automjete komercilale me dy akse dhe 6 rrota (1.90 m dhe 2.70 m) do të paguajnë 1490 lekë
Kamionë të mesëm dhe autobusë të rëndë, përfshirë mjete me lartë 2.7 m do të të paguajnë 21 40 lekë
Kamionë të rëndë 4 akse a më shumë, do të paguajnë 2970 lekë
Përdoruesit e shpeshtë të kësaj rruge do të përfitojnë reduktime të ndjeshme të tarifimit
Për 20-30 kalime në muaj, përfitojnë 10% zbritje
Për 30-50 kalime në muaj, përfitojnë 20% zbritje
Për 50-60 kalime në muaj përfitojnë 30% zbritje, dhe mbi 60 kalime përfitojnë 40% zbritje
