Bashkia e Tiranës bën me dije se punimet në “Rrugën e Durrësit” janë drejt fundit dhe se aksi do të rihapet shpejt për qarkullim.
Mësohet se përveç rrjetit të kanalizimeve, po hidhet edhe shtresa asfaltike dhe trotuaret e reja. Një ndryshim do të ketë edhe në qarkullimin e automjeteve me qëllim lehtësimin e tyre.
“Rruga e Durrësit” do të kthehet me një kalim si portën hyrëse e Tiranës, kurse lëvizja në drejtim të daljes së qytetit do të bëhet nga rruga “Mine Peza”.
Kështu “Rruga e Durrësit” do të ketë korsi të dedikuar autobusëve, 2 korsi për makina, trotuare të reja dhe të gjera për këmbësorët, si dhe një korsi të dedikuar biçikletave.
