Së fundmi mediat serbe kanë raportuar se aeroplani në të cilin po udhëtonte Ministri i Jashtëm serb, Ivica Daçiç është goditur nga një rrufe.
Thuhet se rrufeja ka shkaktuar shumë panik, por pasojat nuk kanë qenë të rënda. Piloti është detyruar që të bëjë një ulje në aeroportin më të afërt në Slloveni.
“U dëgjua një shpërthim i vogël, u pa një ndezje. Por askush nuk mund të bënte asgjë për ne”, mësohet të ketë thënë Daçiç, shkruan “Express”. Kujtojmë se kjo nuk është hera e parë që aeroplani i Daçiç është detyruar që të bëjë ulje emergjente. Po ashtu, në fund të muajit maj, avioni i Ministrit të Jashtëm serb Daçiç ka bërë një ulje emergjente në Athinë.
