Nga Artan Fuga/ Çmimi i ujit që pimë, lahemi, përdorim nëpër dushe, WC, bëjmë supën, taratorin, dhallën, dje u përcaktua nga:
Shkalla e amoralitetit politik brenda një grupimi këshilltarësh, pra atyre të LSI.
Shkalla e korruptimit politik nga administrata.
Marrëdhënia e bashkisë me mediat.
Numri i militanteve gjoja protestues te shkallën e bashkisë.
Paaftësia e opozitës për veprim politik.
Etj. dukuri jo ekonomike.
E kuptoni o njerëz se ne çfarë derexhejeje ka arritur menaxhimi i hapësirave urbane???
Ekonomia dhe administrimi nuk përcaktohen nga nevojat tona, nuk drejtohet nga logjika ekonomike, por thjesht nga trafiqet e influencave politike dhe nga humori i individëve që as i njohim as na njohin, as i kemi zgjedhur as na përfaqësojnë.
Por, vazhdoni flini, bëni gjumin e vapës dhe blini ujin ne dyqan se ai është çmimi i vërtetë i ujit që na kane hedhur si dush i ftohtë mbi kokë kryetarët e bashkive në këto njëzet vjet.
Flini dhe votoni me gurmazin të tharë nga etja!
Nuk keni ujë? Pini coca cola!
