Lufta në Ukrainë dha pasoja drastike në ekonominë tonë. Shqiptarët çdo ditë e më shumë po pyesin se kur do të ndalet rritja e çmimeve. Sipas ekspertëve, stabiliteti parashikohet pas 1 viti.
Sipas skenarit më të keq, ekonomistët parashikojnë që qytetarët shqiptarë të përballen me një rritje të mëtejshme të çmimeve të paktën për një periudhë 1 vjeçare. Rritja e çmimeve ka ardhur kryesisht si pasojë e luftës Ukrainë-Rusi, dhe ridimensionimit të tregjeve ndërkombëtare. Qeveria shqiptare ka ngritur dy borde për të mbajtur nën kontroll çmimet e hidrokarbureve dhe të 4 produkteve kryesore ushqimore të shportës.
Konflikti Rusi-Ukrainë ndikoi te rritja e lartë e çmimeve të produkteve ushqimore dhe naftës, të cilat u reflektuan me shpejtësi edhe në Shqipëri.
Pas ngritjes të Bordit të Transparencës për kontrollin e çmimeve të karburanteve, në mesin e muajit mars u krijua edhe Bordi për çmimet e produkteve të shportës, kryesisht: miell, vaj ushqimor, oriz dhe sheqer.
