Është rritur sërish numri i të vdekurve nga koronavirusi. CNN raporton se ditën e sotme shifra e të vdekurve ka arritur në 1115 persona. Por, bashkarish me lajmin autoritetet kineze kanë shprehur edhe shpresë, pasi sipas tyre është zvogëluar numri i rasteve të reja.
Sipas tyre, brenda këtyre 24 orëve është numri më i vogël i rasteve të reja të raportuara në krahasim me ritmin e muajit janar.
Megjithatë, optimizmi i autoriteteve kineze është i zbehtë, pasi ekziston mundësia që virusi të përhapet. Për më tepër, që shkencëtarët ende nuk kanë arritur të zbërthejnë mekanizmat e përhapjes së virusit.
Një trend pozitiv është vënë re edhe në tregjet ekonomike, pas tronditjes që pësuan në pikun e përhapjes së virusit. Autoritetet kineze kanë parashikuar që epidemia në Kinë do të përfundojë në muajin prill.
Deri tani raportohen 44 mijë e 653 të prekur nga virusi. OBSH-ja është shprehur se koronavirusi është më i rrezikshëm sesa terrorizmi.
