Ka shkuar në 113 numri i të helmuarve nga uji i pijshëm në Bulqizë.
Prefekti i qarkut të Dibrës, Nexhbedin Shehu është shprehur se në testin e parë nga analizat e kryera, rezulton se uji i pijshëm është brenda normave të lejuara, por shtoi se përgjigjen përfundimtare do ta japë testi i dytë, i cili pritet të dalë pas katër ditësh.
Ndërkohë, Drejtoria e Shëndetit Publik ka shpërndarë në dyert e banesave të zonës një njoftim ku thuhet se banorët nuk duhet të konsumojnë ujë nga çezmat.
“Njoftohen banorët e lagjeve të vjetër që të mos përdorin për pije ujin në çezmat e banesave të tyre deri në një njoftim të dytë. DSHP- Bulqizë”, thuhet në njoftim.
