Në katër muajt e parë të këtij viti numri i viktimave është i lartë nga vrasjet në familje, apo atentatet mafioze.
Sipas raportit të publikuar së fundmi nga INSTAT, gjatë vitit 2019 janë regjistruar 30 persona të vrarë, ndërsa thekson se kemi rritje të krimit në vitin 2018, krahasuar me vitin paraardhës.
Nga fillimi i vitit janë kryer 24 vrasje, 9 nga të cilat janë brenda familjes.
Vrasjet mafioze kanë tronditur mbarë vendin, ku mund të përmenden vrasja e vëllezërve Bilali në Shkodër, ekzekutimin e avokatit në Elbasan, ajo e Jurgen Kurtit në Tiranë, atentatin me dy të vdekur në Vlorë, por dhe krimi më i fundit në Laç që përfundoi me ekzekutimin e dy të rinjve.
Sipas të dhënave nga INSTAT për vitin e shkuar janë rreth 35 mijë vepra penale, me rritje 0.4% krahasuar me 2017, ndërkohë që në 2018 janë evidentuar 120 vepra penale për 10 mijë banorë, nga 119 që ishin në vitin 2017.
