Çmimi i naftës së papërpunuar ka shënuar rritje ditën e sotme. Kjo pasi Organizata e Vendeve Eksportuese të Naftës (OPEC) dhe disa anëtare të organizatës, kanë bindur tregun që të ulin prodhimin e tyre të përgjithshëm të naftës, në nivelin prej 7,7 milionë fuçi në ditë.
Mësohet se në tregun e Londrës, çmimi për një fuçi nafte është rritur me 0.2%, në raport me mbylljen e fundit dhe arrinte 45.01 dollarë.
Në tregun amerikan një fuçi tregtohej për 0,05 % më shumë se çmimi prej 42,84 dollarë.
Çmimi u rrit pasi grupi OPEC-plus ra dakord t’u përmbahej kuotave të përcaktuara të prodhimit të përgjithshëm të naftës në mënyrë që të zvogëlojë furnizimin global dhe kështu të mbështesë çmimet në tregun global të naftës.
