Rriten sërish tensionet mes Turqisë dhe Greqisë. Këtë herë ndizet një tjetër konflikt, që bën fjalë për kërcënimin turk pas vendimit të marrë nga Qipro, e cila ka njoftuar kompanitë e huaja për kërkime për gaz në zonën ekskluzive ekonomike në Egje.
Sipas medieve greke, Turqia ka kërcënuar dhe së fundmi ka vendosur për një stërvitje ushtarake në det.
Sipas gazetës qipriote “Phileleftheros”, Turqia do të kryejë stërvitje ushtarake me anije rimorkimi e pajisje nënujore nga 11-18 mars dhe nga 22 deri më 29 mars.
As Greqia nuk ka qëndruar ‘duarkryq’, teksa ka paralajmëruar se ndodhemi para një incidenti të madh në rast se Turqia ndërmerr hapa të tillë.
