Rriten tensionet midis Kosovës dhe Serbisë. Një tjetër incident ka ndodhur ditën e djeshme, ku policia e Kosovës ka ndaluar pesë persona të komunitetit serb, të cilët po xhironin stacionin policorë në Pejë.

“Më 28 mars rreth orës 18:30 afër stacionit policor në Pejë janë ndaluar pesë persona.

Tre nga Beogradi, një nga Prishtina dhe një nga Fushë Kosova, që të gjithë serb. Arsyeja e ndalimit e pastaj edhe e shoqërimit në stacion ka qenë se janë vërejtur duke incizuar me kamera në drejtim të stacionit policor në Pejë”, ka thënë Ibraj.

Sipas tij persona e ndaluar kishin deklaruar se ishin pjesë e një organizate joqeritare, por që nuk kishin dokumente për ta vërtetuar.

 “Pastaj gjatë zhvillimit të bisedave ata kanë thënë se janë organizatë joqeveritare (shërbime juridike pa pagesë), por të njëjtit nuk kanë poseduar asnjë lloj dokumenti për të dëshmuar një gjë të tillë për organizatën në fjalë. Ata kanë hy në Kosovë më 26 mars rreth orës 10:00 përmes pikës kufitare të Jarinjës. Për ta është konsultuar edhe prokuror i shtetit dhe rreth orës 22:40 janë liruar për të shkuar në drejtim të tyre”, ka përfunduar Ibraj./Indeksonline/