Rriten gjithnjë e më shumë tensionet mes Turqisë dhe Greqisë.
Disa avionë luftarakë turq kanë fluturuar këtë të premte mbi ishujt grekë.
Sipas mediave helene, avionët luftarakë, F-16, shkelën rajonin e informacionit fluturues të Athinës (FIR) pa paraqitur më parë planet e fluturimit dhe duke fluturuar mbi ishujt e Oinousses dhe Panaghia në një lartësi prej 7620 metrash, në orën 12:24.
Avionët luftarakë turq u njohën dhe përgjuan nga avionët grekë sipas rregullave ndërkombëtare, njoftoi Shtabi i Përgjithshëm i Mbrojtjes Kombëtare.
Ndërkohë në brigjet e Detit të Zi, forcat e armatosura turke kanë testuar edhe sistemet e mbrojtjes S-400, prodhim rus.
