Sipas ministrisë ruse të mbrojtjes, një aeroplan MiG-31 u rrëzua sot (e mërkurë) në rajonin Nizhny Novgorod.
“Më 19 shtator, rreth orës 03:30 të kohës lokale të Moskës [12:30 GMT], një aeroplan luftarak i tipit MiG-31 u rrëzua gjatë një fluturimi të planifikuar në një nga aeroportet ushtarake në rajonin Nizhny Novgorod, të dy pilotët u shpëtuan me sukses”, citon Sputnik një deklaratë nga ministria ruse e mbrojtjes.
Të dhënat paraprake tregojnë se ishte një gabim teknik ai që kishte shkaktuar rrëzimin e aeroplanit luftarak MiG-31, tha Ministria e Mbrojtjes e Rusisë.
“Fluturimi është kryer pa municion, aeroplani ka rënë në një vend të pabanuar, nuk ka shkaktuar dëme në tokë, sipas të dhënave paraprake, shkaku i aksidentit ishte një mosfunksionim teknik”.
Sipas deklaratës së autoriteteve ruse, pilotët u evakuuan menjëherë nga personeli i kërkim-shpëtimit dhe jeta e tyre nuk është në rrezik.
Aeroplani ra 17 km pasi ishte ngritur në fluturim nga baza ajrore, transmeton tg.
Ministria Mbrojtjes në Rusi tha se po punon për të përcaktuar saktësisht shkaqet e aksidentit në vendin e rrëzimit.
Kujtojmë, dje ishte rrëzuar një aeroplan tjetër rus në Siri, ku humbën jetën 15 ushtarë.
