Të paktën 3 persona kanë humbur jetën të dielën në Gjermaninë qendrore pas rrëzimit të një avioni të vogël.
“BBC” raporton se një avion i vogël i modelit Cessna goditi njerëzit që ishin mbledhur pranë një fushe ajrore. Ngjarja ka ndodhur në malin e Wasserkuppe, afër Fuldas, rreth orës 15:45 me orën lokale.
Sipas raportimeve paraprake, 2 të rritur dhe 1 fëmijë humbën jetën në aksident ndërsa 8 të tjerë u plagosën.
Avioni po përpiqej të ngrihej në ajër pas dështimit të tentativës për ulje në fushën ajrore.
Nuk dihen ende shkaqet e aksidentit, ndërsa moti në kohën e aksidentit ishte i mirë.
