Një nëne të tre fëmijëve, e cila hyri në Shtetet e Bashkuara të Amerikës në mënyrë të paligjshme disa vite më parë, iu dha e drejta për të qëndruar aty mëngjesin e kësaj të hëne, deklarojnë autoritetet përkatëse.
32-vjeçarja Denada Rondos ishte planifikuar që të deportohej në Shqipëri natën e sotme, por fati donte që ajo dhe tre fëmijët e saj të qëndronin sërish në SHBA.
Rondos shkoi në Shtetet e Bashkuara 15 vite më parë me një pasaportë të rremë. Ajo u martua me Viron Rondos, i cili tashmë është një shtetas amerikan. Ai zotëron restorantin e njohur “Cheshire Viron Rondo Osteria” dhe Denada menaxhon financat.
Pavarësisht kësaj, Rondos e cila nuk kishte asnjë vepër kriminale, mori një njoftim për deportimin në Shqipëri, në vitin 2007. Që nga ajo kohë, 32-vjeçarja është marrë me procedurat për të qëndruar në SHBA. Si pasojë, në shtator asaj ju tha se do të kthehej në vendin e saj të lindjes.
https://www.facebook.com/WFSB3/videos/10155851316964197/
Këtë të hënë, Denada Rondos së bashku me fëmijët, supozohej se do të kthehej në Shqipëri nga aeroporti JFK, gjatë natës. Ndërkohë Erin O’Neil-Baker, i cili është avokati i 32-vjeçares, paraqiti një qëndrim dhe është në pritje me Gjykatën e Dytë të Circuit. Prandaj, siguria atdhetare ka lëshuar një tolerancë, ndërkohë që vendimi i Gjykatës së Rrethit të dytë është në pritje.
“Ky lehtësim i përkohshëm është shumë i kënaqshëm”, tha senatori amerikan Richard Blumenthal. “Por është vetëm një hap dhe ne do të vazhdojmë luftën për këtë familje në mënyrë që ata të mund të qëndrojnë së bashku në këtë vend ku ata kanë një biznes dhe ata kanë kontribuar në komunitetin e tyre”, shtoi ai. Ndërsa avokati O’Neil-Baker tha për “Channel 3” se ka një shans të fortë që ajo të falet dhe të lejohet të kthehet në SHBA për një ose dy vjet.
Lidhur me ngjarjen në fjalë kongresistja Elizabeth Esty i shkroi një letër autoriteteve të migrimit në mbështetje të Denada Rondos. Ajo thotë se Rondos i largua nga Shqipëria për shkak të persekutimit. Ajo u kërkon atyre që të “shqyrtojnë çdo mundësi që Rondos të qëndrojë në Shtetet e Bashkuara dhe të vijojë me procedurat për marrjen e shtetësisë amerikane”.
Esty u bashkua me O’Neil Baker dhe Blumenthal në një konferencë te Zyra e Legjislacionit në Hartford. “Arsyeja dhe drejtësia kanë mbizotëruar përkohësisht për familjen Rondos. Ndihma e dhënë sot do t’u japë atyre mundësinë që ata të meritojnë për të ndjekur një dëgjim të drejtë dhe të plotë, duke mbetur së bashku si një familje në Konektikat ku ata zotërojnë dhe drejtojnë një biznes dhe kontribuojnë në komunitetin e tyre “, tha Blumenthal gjatë fjalës së tij në konferencë.
“Ky rast është një shembull tjetër tragjik i një sistemi deportimi që ka humbur të gjitha arsyet dhe nacionalitetin, pa nevojë për të ndarë familjet dhe largimin e burimeve federale larg atyre që paraqesin një kërcënim të vërtetë për sigurinë publike dhe sigurinë kombëtare”, shtoi ai.
“Ju falënderojmë për gjithë mbështetjen. Falënderojmë të gjithë komunitetin. Falënderojmë kongresisten për suportin e dhënë gjatë kësaj kohe, senatorin Blumenthal. Falënderojmë banorët lokalë, e vlerësojmë shumë gjithçka keni bërë. Faleminderit që i dhatë familjes sime një shans për të qëndruar dhe për të vazhduar me procedurat e tjera. Është shumë e rëndësishme për ne që të mbajmë fëmijët këtu të sigurt”, tha bashkëshorti i Denada Rondos.
“Jam shumë e lumtur. Faleminderit. Falënderoj të gjithë ata që më dhanë një mundësi për të qëndruar. Falënderoj Zotin për një mundësinë e dytë që më dha, si dhe të gjithë ata që më lejuan që të qëndroj”, u shpreh Denada.
/Tirana Today/
