Studentë të Universitetit të Mjekësisë janë ngritur sot në protestë, duke bllokuar hyrjen në fakultet.
Arsyeja e ngritjes së protestë është se Ministria e Arsimit ka vendosur heqjen e sezoneve në maj apo qershor, ndërkohë që në muajin shkurt e kanë shkurtuar sezonin nga 3 javë në vetëm 10 ditë.
Kjo, sipas studentëve, i penalizon ata duke bërë që t’u rrezikohet diplomimi, madje të paguajnë sërish një vit tjetër shkollor në rast se nuk marrin vetëm një provim.
“Ajo që po ndodh është se na kanë shkurtuar sezonin e shkurtit nga 3 javë në 10 ditë. Ne kemi 5 provime, që i bie të mësojmë as dy ditë për provim që është e papërballueshme. Nga ana tjetër janë hequr sezonet e tjera, që i bie nëse të ngelim në një provim, të na shtyhet diploma, madje duhet të paguajmë sërish tarifën e një viti shkollor. Kjo nuk ndodh askund tjetër, vetëm tek në ndodh kjo. Kërkojmë të shtohen sërish sezonet”, thotë një studente e vitit të tretë në fakultetin e Mjekësisë. TIRANA TODAY
