Një incident që mund të prodhonte pasoja katastrofike, mendohet të ketë ndodhur në Agjencinë Kombëtare të Kontrollit të Trafikut Ajror, (Albocontrol), në Tiranë.
Bëhet fjalë për mbylljen e hapësires ajrore shqiptare, për shkak të mosfunksionimit përkohësisht të sistemit të kontrollit ajror.
Informacioni është publikuar nga ish kreu demokrat, Sali Berisha në rubrikën e “qytetarit digjital”, në FB.
Qytetari akuzon drejtoren e Përgjithshme të këtij institucioni të rëndësisë së vecantë, sa i përket sigurisë, Belinda Balluku. Ndërsa Berisha akuzon edhe kryeministrin që po bën të pamundurën të fshehë skandalin.
“Zoti Berisha mund t,ju informoj per nje ngjarje te rende të ndodhur dje në Rinas. Eshte mbyllur hapesira ajrore shqiptare për shkak deshtimit total te sistemeve te instaluara rishtas dhe pa asnjë e element sigurie.
Më datën 1 Qershor 2017, është lajmëruar edhe Brukseli, por Belinda Balluku po perpiqet ta varrose ngjarjen. Eshte ngjarje ne prag katastrofe ajrore me rrezikun e nje aksidenti ajror. Prokuria duhet te nise menjehere hetimet”, thuhet në informacionin e përcjellë.
