Masa shtrënguese për të shlyer detyrimet ndaj subjekteve debitorë është sekuestro. Për vitin ka vendosur 5.660 sekuestro ndaj pasurive të subjekteve debitore.
Vjelja e detyrimeve për një total prej 1 miliardë lekësh është bërë e mundur përmes këtyre sekuestrimeve. Afërisht 10 milionë dollarë, ndërkohë që shuma totale e tyre vlerësohet rreth 90 milionë dollarë.
Të dhënat vijnë përmes treguesve zyrtarë të Drejtorisë së Përgjithshme të Tatimeve, sipas të cilave numri total i urdhër sekuestrimeve deri në vitin 2016 ka arritur në më shumë se 38 mijë.
Një numër kaq i madh masash shtrënguese shpjegon edhe numrin shumë të lartë të padive gjyqësore të ngritura nga bizneset në drejtim administratës tatimore.
Në një raport zyrtar i Drejtorisë së Përgjithshme të Tatimeve, shkruhet se aktualisht ka arritur në 426 numri i bizneseve që kanë paditur administratën tatimore për vlerësime, gjoba apo kamatvonesa të padrejta.
Shfuqizimi i vlerësimeve tatimore të kryera nga Drejtoritë Rajonale është edhe motivi kryesor për të cilën bizneset i drejtohen gjykatës. Sipas bizneseve, këto vlerësime janë joreale, duke u shoqëruar edhe me gjoba e kamatvonesa të kripura, shkruan Scan.
Nga zbardhja e padive, bie në sy se gjobat më të ulëta të kontestuara arrijnë vlerën e 1 milionë lekëve, por ka edhe kompani të cilat penalitetet bashkë me kamatvonesat u arrijnë deri 9 milionë lekë, afërisht 80 mijë dollarë.
