Në datën 13 Maj në emisionin “Stop” u transmetua rasti i pallatit Vllaznia në zonën e Freskut. Rrëshqitja e dheut ngjitur me pallatin, prej muajsh rrezikon banorët.
“Stop” është rikthyer pas një muaji në këtë zonë dhe disa banorë thonë se ende nuk është miratuar projekti, për të ndërhyrë. Fatmir Ndreu tregon se gjendja është përkeqësuar, ndaj duhet ndërhyrë urgjentisht.
“Siç e shihni gjendja është keqësuar më shumë, i lutem emisionit “Stop” dhe të gjithëve ata që kanë diçka në dorë të ndërhyjnë sa më shpejt që të mos rrezikohet jeta e banorëve. Ujërat e zeza janë në shesh, gërryerja vazhdon nga poshtë, duhet ndërhyrje urgjente”.
Gazetarja i është drejtuar Bashkisë së Tiranës, ku thonë se projekti është miratuar, por detyra e Bashkisë dhe Drejtorisë së Planifikimit dhe Zhvillimit të Territorit, është deri këtu. Më pas duhet të ndërhyjë ndërtuesi ose banorët, pasi bëhet fjalë për pronë private. /tvklan.al
