Rinis normalisht lëvizja e qytetarëve në pikën e kalimit kufitar të Kapshticës.
Pas më shumë se 48 orësh, është rregulluar defekti në sistem që shkaktoi kaos në pikën kufitare.
I njëjti problem është paraqitur edhe në pikën kufitare të Kakavijës në palën greke.
Pas shumë vuajtjesh, mëngjesin e sotëm pala greke konfirmoi rregullimin e defektit, duke bërë që të rifillojë lëvizja normale e qytetarëve në pikën e kalimit kufitar të Kapshticës dhe atë të Kakavijës.
Qytetarët shqiptarë janë detyruar të presin për disa orë me radhë, ndërsa pala greke ka lejuar vetëm kalimin e shtetasve grekë. Kjo gjë ka sjellë irritimin e qytetarëve shqiptarë, të cilët u përplasën edhe me ministrin Bushati dhe Kumbaro, duke u kërkuar atyre zgjidhje të menjëhershme.
“Ky është peshqeshi i Himarës”, kështu është shprehur pala greke, sipas disa qytetarëve shqiptarë të bllokuar.
Pas ndërhyrjes së ministrit Bushati dhe komunikimit me palën greke, rinisi lëvizja, ndërsa sot fatmirësisht është rregulluar defekti që shkaktoi kaos te shqiptarët.
