Clarence Seedorf vetëm pak ditë më parë ka marrë drejtimin e kombëtares së Kamerunit dhe qëllimi që ka vendosur është ta rikthejë në nivele të larta. Për ta bërë këtë rregulli i parë që ka vendosur holandezi duket mjaft i çuditshëm, ai nuk ka grumbulluar asnjë lojtarë që luan në Kinë, Japoni.
Seedorf ka një eksperiencë mjaft të madhe si futbollist dhe e di mjaft mirë se kush janë ligat më të forta dhe ku një lojtarë mund të japë më të mirën, për këtë arsye ai ka marrë këtë vendim. Por futbollin kinez ai e njeh mjaft mirë edhe për faktin se ai ka qenë trajnerë edhe në atë ligë dhe e njeh mjaft mirë nivelin e futbollit që luhet.
“Lojtarët e mirë të rinj nuk luajnë në Kinë apo në Azi. Lojtarët duhet të dinë se nëse shkojnë pas kontratave fitimprurëse, atëherë ata humbasin shanset e tyre për të luajtur në ekipin kombëtar. Por ne nuk po mbyllim derën e askujt, ne duam lojtarë të disiplinuar dhe punëtorë dhe nëse dikush nga Lindjen e Mesme kontribuon në ekip, atëherë do ta mirëpresim.
Lojtarët më të mirë dëshirojnë të luajnë për klubet më të mira në Europë dhe të shfaqen në nivele më të larta si Champions League. Nëse je një lojtar i talentuar dhe je 20 vjeç, duhet të luash në Ligën e kampionëve ose në ekipet e elitës evropiane si Milan, Juventus apo Çelsi”, u shpreh Sedorf.
