Pas çdo njeriu të suksesshëm fshihet një histori mjaft e trishtë. Së fundmi ka vendosur që të rrëfehet Dwayne “The Rock” Johnson, i cili ka dhënë një intervistë mjaft prekëse për “Express”. Ai ka folur për dramat e jetës dhe për depresionin që kaloi mamaja e tij kur ai ishte vetëm 15 vjeç, duke dalë në rrugë për të kryer vetëvrasje.
“Ajo doli nga makina dhe doli në mes të trafikut. Kamionë dhe makina të tjera devijuan për ta shmangur. Unë e kapa dhe e tërhoqa mbrapa”, ka thënë ai.
“Gjëja më e çmendur për atë tentativë për vetëvrasje është se ajo nuk mban mend asgjë nga ajo ditë. Ndoshta është më mirë kështu”.
Më pas, ai ka shtuar: “Arrita në një pikë ku nuk doja të bëja asgjë dhe të shkoja askund. Qaja vazhdimisht”, ka zbuluar “The Rock”, i cili ka kujtuar momente të tjera të vështira gjatë jetës së tij, siç ka qenë dëmtimi që i dha fund ëndrrës së tij për një karrierë në NFL, teksa e dashura e la pak ditë më vonë.
“Ka qenë momenti më i keq”, ka shpjeguar ai. Dhe kur një fans i tij i goli për luftën ndaj depresionit, Johnson përgjigj: “Të kuptoj, unë e kam luftuar atë bishë më shumë se një herë”.
Karriera e Johnson mori një kthesë pozitive, duke kaluar nga një super yll i WWE te një super yll i Hollywood-it. Gjithashtu, ai theksoi se ka marrë shumë reagime pozitive pasi zbuloi problemet e tij me depresionin.
Në fund, Johnson zbuloi se ai dhe mamaja e tij janë “shëruar”, por ka shtuar se: “Duhet të bëjmë shumë kujdes kur të tjerët vuajnë. Duhet t’i ndihmojmë që t’i kalojnë vështirësitë dhe t’i kujtojmë se nuk janë vetëm”.
